::NEWS OF ZALUU::

Угандад шинээр газрын тос олдсон нь хүн амынх нь гуравны нэг нь амьжиргааны баталгаажих төвшингөөс доогуур орлоготой тус улсад өмнө байгаагүй их орлого авчирж магадгүй гэж “CNN” агентлаг мэдээлж байна.

Өмнөд Африкийн “Richards Bay Coal Terminal” тус тивийн хамгийн том түлшний экспортын боомт бөгөөд энэ жил анх удаагаа Ази руу экспортолсон нүүрсний хэмжээ нь Европруу экспортолсон нүүрсний хэмжээнээс илүү гарч байна.

Зун өндөрлөж намар дөхөж, америкчуудын аялал, тээврийн хэрэглээ оргил цэгтээ хүрч байгаа ч лхагва гаригийн байдлаар АНУ-д шатахууны үнэ улам бүр буурсан хэвээр байна гэж “Associated Press” агентлаг мэдээлж байна.

Их Британийн Засгийн газар нэмүү өртгийн татвараа (НӨТ) өсгөж байгаатай холбоотойгоор энэ оны эцэс гэхэд түлшний үнэ найм хүртэл хувиар өсөж магадгүй байна гэж “BBC” агентлаг мэдээллээ.

Дэлхийн уур амьсгалын асуудлаар тэргүүлэх мэргэжилтнүүд энэ долоо хоногт АНУ-д цугларч, ирээдүйд цаг уурын эрс тэс үзэгдлүүдийг эртнээс урьдчилан таамаглах тогтолцоо бий болгох тухай хэлэлцэхээр болжээ.

“Arkx Clean Energy Fund”-ын менежерүүд Австраличууд хэдий ч Австралид хөрөнгө оруулалт хийдэггүй бөгөөд наймдугаар сарын 21-нд болох сонгуулийн дараа ч энэ байр сууриа өөрчлөхгүй бололтой гэж “Bloomberg” агентлаг мэдээлж байна. “Бид Австралид хөрөнгө оруулалт хийхийг хүсдэг.