::NEWS OF ZALUU::

Азийн хөгжлийн банкнаас Хятадад суугаа төлөөлөгчийн газрын төслийн ажил удирдсан дарга Мариа Зереса өнөөдөр Инь чуань хотод болсон Азийн хөгжлийн банкнаас улс орнуудад олгосон зээлд хяналт шалгалт хийх асуудлаарх эрдэм шинжилгээний бага хурал дээр танилцуулга хийжээ.

Лондоны металлын бирж дээр өчигдрийн 13.00 цагийн байдлаар нэг тонн зэсийн үнэ өмнөх өдрийнхөөс 1.5 хувиар буюу 110 ам.доллараар нэмэгдэж 7392.5 ам.долларт хүрлээ.

"Тоёота" компани АНУ, Канадын зах зээлд гаргасан 1.1 сая автомашинаа татаж, засвар үйлчилгээг нь хийхээр болжээ. Энэ нь 2005-2008 онд үйлдвэрлэсэн "Corolla", "Matrix" загварын дээрх машинуудын хөдөлгүүрийн удирдлагад гэмтэл гарсантай холбоотой юм.

Японы автомашин үйлдвэрлэгч тус компанийн төлөөлөгчид үйлдвэрийн гэмтэлтэй холбоотой асуудлаас болж гурван осол гарсан тухай мэдээлсэн байна.

Энэ оны хоёрдугаар улиралд Австралийн уурхайнуудаас олборлосон алтны хэмжээ сүүлийн зургаан жил хагаст байгаагүй өндөр төвшинд хүрсэн байна гэж “AAP” агентлаг дамжууллаа.

Уолл Стрийтэд энэ сарын 24-нд хувьцааны үнэ ихээр буурч, гурван том хувьцааны хаалтын үеийн бууралтын хэмжээ 1.5 хувь орчимд хүрчээ.

Хятадын Худалдааны яам энэ оны долоон сарын хугацаанд гадаадын улс орнуудад хийсэн хөрөнгө оруулалтын мэдээгээ олон нийтэд мэдээллээ.